У інтэрнэце з’явілася петыцыя забароны будаўніцтва на месцы масавых растрэлаў у Берасці. На  сайце Удобный город пішуць:

У студзені 2019 года ў Брэсце, на участку ў межах вуліц Куйбышава, Дзяржынскага, Будзёнага, выдзеленым пад забудову, было выяўлена чарговае месца масавых растрэлаў. Яно знаходзіцца ў непасрэднай блізасьці да ям, выяўленых там жа ў 1956, 1976 гг. Ахвяры панеслі смерць за прыналежнасць да габрэйскай нацыянальнасці і адпаведнае веравызнанне. На сёняшні дзень колькасць выяўленых на гэтым месцы рэштак наблізілася да лічбы 500, але ці гэта канец? Наўрад ці.

Аўтары ўпэўнены, што важна спыніць усялякую забудову гэтай тэрыторыі з двух прычын: першая — невядома сколькі яшчэ таямніц хаваецца побач і другое – павага да памерлых.

Адно з самых страшных пракляццяў у габрэяў гучыць так: “Хай зямля выкіне твае косткі”. Нельга дапусціць, каб ўжо новае пакаленне ўчыніла зло, якое дапусцілі нашы продкі ў 1842 годзе, пры пабудове крэпасці. Тады былі спаганены 500 гадовыя габрэйскія могілкі, косці памерлых выкапаныя з магіл і перапахаваны на новых могілках. У 1950-1970-х гадах новыя могілкі так сама былі апаганены, а на іх месцы пабудаваны стадыён «Лакаматыў».

Аўтары прапануюць не дапусціць чарговага акту вандалізму і непавагі да ахвяраў генацыду. А тэрыторыю даследаваць на наяўнасць іншых пахаванняў, агарадзіць і стварыць мемарыяльны парк(сквер) памяці ў гонар 30 000 берасцейцаў габрэйскай нацыянальнасці.

[supsystic-social-sharing id="1"]