Каманда амерыканскіх дызайнераў, інжынераў і навукоўцаў стварыла некамерцыйны праект The Pantheon з мэтай матэматычна прааналізаваць глабальную культурную спадчыну. Для вызначэння сусветнай вядомасці гістарычных асобаў The Pantheon выкарыстоўвае складаную методыку з двухпавярховымі формуламі. Калі каротка, падлічваецца колькасць моўных версій біяграфічных артыкулаў ў „Вікіпедыі” і колькасць іх праглядаў. Прыналежнасць да краіны вызначаюць па месцы нараджэння.

Так выглядае спіс сусветных знакамітасцяў, якія нарадзіліся на тэрыторыі Беларусі:

1. Адам Міцкевіч (24 снежня 1798, фальварак Завоссе Навагрудскага павета Літоўскай губерні Расейскай імперыі (цяпер Баранавіцкі раён, Берасцейская вобласць, Беларусь), а ў некаторых крыніцах Навагрудак — 26 лістапада 1855, Канстанцінопаль, Асманская імперыя) — польскі паэт беларускага паходжання, публіцыст, асветнік, дзеяч нацыянальна-вызваленчага польскага руху, сябар Таварыства філаматаў.

mickevich-1024x588[1]

2. Шымон Перэс (2 жніўня 1923, Вішнева, Польшча, цяпер Валожынскі раён, Беларусь — 28 верасня 2016, Рамат-Ган, Ізраіль) — ізраільскі палітычны дзеяч, Прэзідэнт Дзяржавы Ізраіль з 2007 па 2014 годы.

peras-1024x597[1]

3. Леў Выгоцкі (першапачатковае імя — Леў Сімхавіч Выгодскі; 5 (17) лістапада 1896, Орша — 11 чэрвеня 1934, Масква) — савецкі псіхолаг, заснавальнік культурна-гістарычнай школы ў псіхалогіі.

vygodski-1024x593[1]

4. Марк Шагал (7 ліпеня 1887, Віцебск — 28 сакавіка 1985) — беларускі і французскі мастак. Пры нараджэнні будучага мастака назвалі Маісеем, імя на Марка ён змяніў, калі пераехаў у Санкт-Пецярбург.

shagal-1024x594[1]

5. Менахем Вульфавіч Бегін (16 жніўня 1913, Берасце — 9 сакавіка 1992, Тэль-Авіў ) — палітычны дзеяч Ізраіля, сёмы прэм’ер-міністр Ізраіля з чэрвеня 1977 па 1983, лаўрэат Нобелеўскай прэміі міру (1978, разам з Анварам Садатам). У 1940-х гадах кіраўнік тэрарыстычнай арганізацыі Іргун.

begin-1024x595[1]

6. Станіслаў Аўгуст Панятоўскі, Аўгуст IV (17 студзеня 1732, Воўчын — 12 лютага 1798, Санкт-Пецярбург) — дзяржаўны і палітычны дзеяч Рэчы Паспалітай, апошні кароль польскі і вялікі князь літоўскі (1764—1795).

paniatouski-1024x592[1]

7. Фелікс Дзяржынскі (11 верасня) 1877 — 20 ліпеня 1926, Масква; Партыйныя мянушкі: Яцан, Якуб, Пераплётчык, Франак, Астраном, Юзаф, Даманскі) — рэвалюцыянер, савецкі дзяржаўны дзеяч. З шляхецкага роду Дзяржынскіх.

dziarzynski-1024x591[1]

8. Хаім Вейцман (27 лістапада 1874, Моталь, цяпер Іванаўскі раён — 9 лістапада 1952) — навуковец-хімік, адзін з лідараў сіянісцкага руху, 1-ы прэзідэнт Дзяржавы Ізраіль.

vaizman-1024x596[1]

9. Рышард Капусцінскі (4 сакавіка 1932, Пінск — 23 студзеня 2007, Варшава) — сусветна вядомы польскі рэпарцёр, журналіст, пісьменнік, паэт, фатограф, „імператар рэпартажу”.

kapuscinski-1024x592[1]

10. Андрэй Грамыка (5 (18) ліпеня 1909, в. Старыя Грамыкі, Веткаўскі раён, Гомельская вобласць — 2 ліпеня 1989) — савецкі дзяржаўны дзеяч і дыпламат, старшыня Прэзідыума Вярхоўнага Савета СССР (1985—1988).

gramyka-1024x589[1]

11. Сайман Кузнец (пры нараджэнні Сямён Кузнец; 30 красавіка 1901, Пінск — 8 ліпеня 1985, Кембрыдж, Масачусетс) — амерыканскі эканаміст і статыстык; адзін з заснавальнікаў эмпірычнай эканомікі і колькаснай эканамічнай гісторыі. Доктар філасофіі (1926). Член Нацыянальнай АН ЗША (1972).

kuznec-1024x590[1]

12. Янка Купала, сапр. Іван Луцэвіч (25 чэрвеня (7 ліпеня) 1882, фальв. Вязынка былой Радашковіцкай воласці (цяпер Маладэчанскі раён, Менская вобласць) — 28 чэрвеня 1942, Масква) — беларускі паэт, драматург, публіцыст, перакладчык, класік беларускай літаратуры, адзін з заснавальнікаў новай беларускай літаратуры і літаратурнай мовы.

kupala-1-1024x592[1]

13. Восіп Цадкін (фр.: Ossip Zadkine, уласна Іосель Аронавіч Цадкін; 14 ліпеня 1890, Віцебск — 25 лістапада 1967, Нёі-сюр-Сен, Францыя) — французскі скульптар, паходзіў з сям’і яўрэя і шатландкі.

zadkine-1024x592[1]

14. Ірвінг Берлін (пры нараджэнні Ізраіль Бейлін (11 мая 1888, Магілёў — 22 верасня 1989) — амерыканскі кампазітар і паэт-песеннік, адзін з „вялікай пяцёркі” амерыканскіх кампазітараў ХХ ст. Аўтар не менш за 700 песень, напісаў музыку для 13 драматычных спектакляў і 7 кінафільмаў.

berlin-1-1024x593[1]

15. Леон Бакст (27 студзеня 1866, Гародня – 28 снежня 1924, Парыж) — мастак, сцэнограф, кніжны ілюстратар, майстар станкавага жывапісу і тэатральнай графікі.

bakst-1024x593[1]

16. Аляксандр Лукашэнка (30 або 31 жніўня 1954, г. п. Копысь, БССР) — кіраўнік Беларусі (з 1994), галоўнакамандуючы Узброенымі сіламі Рэспублікі Беларусь.

lukashenka-1024x589[1]

17. Хаім Суцін (13 студзеня 1893, Смілавічы — 9 жніўня 1943) — французскі мастак-экспрэсіяніст беларускага паходжання, адзін з найбольш славутых майстроў нацюрморту.

sucine-1-1024x592[1]

18. Іцхак Шамір (прозвішча пры нараджэнні Езярніцкі; 15 кастрычніка 1915, Ружаны, Гарадзенская губерня, (цяпер Пружанскі раён, Берасцейская вобласць — 30 чэрвеня 2012) — ізраільскі палітык, восьмы і дзесяты прэм’ер-міністр Ізраіля, быў старшынёй Кнэсету і міністрам унутраных спраў.

shamir-1024x589[1]

19. Эліэзэр Бэн-Егуда (сапраўднае імя Эліэзэр-Іцхак Пэрэльман) (7 студзеня 1858, Лужкі Віленскай губэрні, цяпер Шаркоўшчынскі раён Віцебскай вобласці — 16 снежня 1922, Ерусалім, Брытанскі мандат у Палестыне) — „бацька сучаснага іўрыту”, заснавальнік габрэйства, піянер сучаснага сіянізму. Стварыў першы штотыднёвік на іўрыце, заснаваў камітэт мовы іўрыт, пасля — акадэмію іўрыту, пачаў публікацыю першага поўнага слоўніку іўрыту.

jeguda-1024x594[1]

20. Залман Шазар (Залман Рубашоў  24 лістапада 1889, Мір, цяпер Гарадзенская вобласць — 5 кастрычніка 1974, Іерусалім, Ізраіль) — ізраільскі грамадскі і сіянісцкі дзеяч, пісьменнік, паэт і публіцыст, палітык, 3-і прэзідэнт Дзяржавы Ізраіль (з 21 траўня 1963 па 24 траўня 1973).

shazar-1024x592[1]

www.racyja.com

[supsystic-social-sharing id="1"]