Даследчыкі знешняй палітыкі з Беларусі, Украіны і Малдовы запрашаюцца на Летнюю школу ў Адэсе.

Перыяд – 1-5 жніўня 2016 года. Лакацыя – Адэса, Украіна.

Школа прапануе ўдзельнікам і ўдзельніцам займальныя лекцыі, дыскусіі і практычныя заняткі ў галіне аналізу ўсходнееўрапейскіх палітычных праблемаў.

Навучанне скіравана на стварэнне камунікацыйнай платформы для маладых беларускіх, малдаўскіх і ўкраінскіх даследчыкаў, павышэнне ўзроўню іх інфармаванасці пра міжнародныя працэсы ва ўсходнееўрапейскім рэгіёне і прадастаўленне базавых навыкаў распрацоўкі і імплементацыі аналітычных дакументаў.

Да ўдзелу запрашаюцца магістранты і аспіранты з Беларусі, Украіны, Малдовы, якія спецыялізуюцца на міжнародных дачыненнях, паліталогіі, міжнароднай эканоміцы, дзяржаўным кіраванні і гісторыі.

Афіцыйныя мовы школы – ангельская і руская.

Як падацца

Каб узяць удзел у школе, неабходна да 3 ліпеня запоўніць заяўку. Дасланае падцверджанне аб валоданні ангельскай мовай праз е-адрас [email protected] істотна павышае шанцы на ўдзел у школе.

Фінансавыя ўмовы

Арганізатары пакрываюць усе выдаткі ўдзельнікаў на пражыванне і харчаванне.

Падрабязную інфармацыю пра школу глядзіце па спасылцы.

Крыніца: adukacyja.info.