На гэтым тыдні пройдзе адразу дзве бясплатных экскурсіі па Берасцю з цыкла “Я быў тут”, якія ладзяцца ў межах кампаніі «Наша мова».

DO7C6s9NwfE19 сакавіка (субота) ў 14:00 пачнецца бясплатная экскурсія ў музеі «Бярэсце». Гэта экскурсія будзе тычыцца сярэднявечнай гісторыі нашага горада. Гэта ўнікальны комплекс, які захоўвае драўляныя будынкі XI-XII стагоддзя, а таксама археалагічныя знаходкі якімі карысталіся нашы продкі. Для ўсіх жадаючых гэта экскусія бясплатна, збор каля ўвахода ў музей, у 14:00.

 

 

 

 

 

 

Копия 6rQgrVoGDocДругая экскурсія адбудзецца ў нядзелю 20 сакавіка. Экскурсавод, краязнаўца і вядучая курсаў «Мова нанова» Воля Малафеечава распавядзе гісторыю Берасця на прыкладзе той архітэктуры, якая захавалася да сённяшняга дня. Пачатак экскурсіі ў 14:00 на скрыжаванні праспекта Машэрава і вуліцы Леніна.

Экскурсіі спадабаюцца ўсім, хто хоча больш даведацца пра багатую гісторыю аднаго з найстарэйшых гарадоў Беларусі, пазнаёміцца з яго культурным жыццём (былым і сучасным), убачыць культавыя будынкі і даведацца пра таленавітых людзей, якія жылі і тварылі ў гэтых месцах. Цікава будзе і берасцейцам, і гасцям Брэста!

Даведка:

Кампанія “Наша мова” стартавала ў Берасці ў 2014 годзе. Яна прыцягнула вялікую колькасць удзельнікаў у свае крэатыўныя праекты: стварэнне паштоўкі “Кахай па-беларуску”, “Берасцейскі вершнік”, конкурс “Фотамаўленне”, Акцыя “Мова дзеткам” і іншыя. У 2015 годзе кампанія працягвае праводзіць цікавыя конкурсы і мерапрыемствы і тым самым прыцягваць берасцейскую моладзь да актыўнага жыцця.

 

[supsystic-social-sharing id="1"]