Што такое вулічнае мастацтва і якія яго асаблівасці ў Беларусі? Як прабіцца праз бюракратыю і легалізаваць стрыт-арт на нашых вуліцах?

IMG_5533

Пра гэта раскажуць берасцейцам госці праекта «Ёсць размова» —куратар фестывалю Vulica Brasil Міла Котка і мастак Алесь Kontra.

«Нашы госці не толькі адкажуць на цікавыя і актуальныя пытанні пра стрыт-арт, яго тэндэнцыі і віды, — абяцае каардынатар праекта Алена Каховіч. — Яны падзеляцца сваім вопытам: раскажуць пра поспех беларуска-бразільскага фестывалю Vulica Brasil, які праводзіцца ў Мінску ўжо другі год, аб яго кухні і працах, якія зараз ўпрыгожваюць фасады будынкаў сталіцы».

Удзельнікі бясплатнага мерапрыемства даведаюцца ад Мілы Коткі, як нараджаюцца некамерцыйныя фэсты і крэатыўныя праекты, якія цяжка сцііснуюць на шляху іх рэалізацыі, і каму ўвогуле ўсё гэта патрэбна. А таленавіты дызайнер і мастак Алесь Kontra з каманды арт-студыі ТАКТАК распавядзе пра сакрэты працы вулічнага мастака, дасць парады і, вядома, пакажа свае малюнкі.

Рыхтуйце пытанні пра тое, якіх новых маштабных артаў нам чакаць і дзе, як стаць вулічным мастаком, як рэалізаваць сваю мару, — і прыходзьце 6 снежня ў нядзелю ў 18:00 па адрасе: г. Брэст, вул. Маякоўскага 46/1.

Уваход вольны!

oXMsLByd56c [supsystic-social-sharing id="1"]