ГА “Цэнтр “Трэці сектар” разам з “Цэнтрам супрацы моладзі” шукаюць валанцёра ў Польшчу. Праект на 12 месяцаў  у бібліятэцы ў Гдыні.

Бібліятэка – гэта не сумна! Бібліятэка ў Гдыні – гэта кропка збору мясцовай супольнасці, насычаная падзеямі. Тут можна шмат чаму навучыцца і шмат чым скарыстацца. Дзіцячыя праграмы, майстар-класы для моладзі і дарослых, падзеі на любы густ і ўзрост.

Дзе: Гдыня, Польшча

Калі: 12 месяцаў, з 1 студзеня 2016 да 31 снежня 2016.

Прыклады працы: арганізацыя майстар-класаў з мясцовымі мастакамі і сацыяльнымі працаўнікамі для мясцовай супольнасці, чытанкі, стварэнне ілюстрацый з дзецьмі, урокі па выкарыстанні рэсурсаў бібліятэкі, па пошуку інфармацыі і кніг, урокі ангельскай мовы для моладзі і сталых людзей; танцавальныя, тэатральныя, фота, мастацкія і хэнд-мэйд майстэрні, а таксама індывідуальная і групавая праца з чытачамі.

Каардынуючая арганізацыя: Цэнтр супрацы моладзі.

Прымаючая арганізацыя: Association for City Public Library in Gdynia.

Адсылаючая арганізацыя: ГА “Цэнтр “Трэці сектар”.

Крытэры адбору: беларуская моладзь ва ўзросце ад 18 да 30 год, моладзі з Гарадзенскай вобласці будзе надавацца перавага. Ідэальны валанцёр для праекта – камунікатыўная асоба, адкрытая для новага досведу і поўная ідэй. Базавыя веды ангельскай мовы і жаданне вывучаць польскую будуць плюсам. Зацікаўленасць метадамі актыўнага навучання, адкрытаць да розных культур і жаданне працаваць у камандзе – яшчэ адны важныя рысы. Праект дае магчымасць валанцёру самаразвівацца праз працу на карысць мясцовай супольнасці.

Фінансавыя ўмовы: усе выдаткі на праект, улічваючы транспарт, пражыванне і харчаванне, аплочваюцца арганізатарамі.

Заяўка: каб паўдзельнічаць у адборы, неабходна запоўніць і адаслаць заяўку да 15 верасня на электронную пошту [email protected] з паметкай “EVS in Library Gdynia”.

Праект рэалізуецца ў межах адной з акцый праграмы Еўразвяза “Эразмус плюс” – Еўрапейская валанцёрская служба (EVS).

adukacyja.info

Gdansk school 2 [supsystic-social-sharing id="1"]