«Гавары са мной па-беларуску» – так называўся конкурс рытарычнага майстэрства сярод навучэнцаў 8 – 11 класаў, які прайшоў у Брэсце.

Яго арганізавалі вучэбна-метадычны кабінет аддзела адукацыі, спорту і турызму адміністрацыі Маскоўскага раёна Брэста з мэтай выявіць сярод цяперашніх школьнікаў будучых педагогаў. Канкурсанты падрыхтавалі тэматычную мультымедыйную прэзентацыю, а потым абаранялі свой пункт гледжання. На беларускай мове дзецям прапаноўвалася паразважаць у напрамках “Урок, які я ніколі не забуду», «Настаўнік, які пакінуў след у маёй душы» і «Педагагічныя дынастыі школы (Сям’і)».

Па словах Ніны Дрык, намесніцы загадчыка вучэбна-метадычнага кабінета аддзела адукацыі, спорту і турызму адміністрацыі Маскоўскага раёна Брэста, у конкурсе прынялі ўдзел школьнікі многіх навучальных устаноў. Вучні расказвалі і пра сямейныя педагагічных дынастыі, і пра тое, што ім больш за ўсё падабаецца на ўроках любімых настаўнікаў, а таксама выказалі нямала глыбокіх думак пра ролю педагога ў жыцці падрастаючага чалавека.

Пераможцамі конкурсу рытарычнага майстэрства сталі Алеся Ніканюк з СШ № 7 і Ганна Ныч з гімназіі № 6 ім. маршала Савецкага Саюза Г.К. Жукава.

budzma.by

[supsystic-social-sharing id="1"]