Ахвяраваць на дзейнасць АРР Дзедзіч
Культура

“Захід-2013”!

Апошні фестывальны шанец гэтага лета! “Дзедзіч” арганізуе вандроўку на “Захід-2013”.

Як бы не было шкада, але гэта лета падыходзіць да завяршэння. І таму, калі Вы не  паспелі правесці яго так, як марылі, альбо проста жадаеце яшчэ больш новых уражанняў, тады гэты шанец для вас!

“Дзедзіч” арганізуе вандроўку на адзін з лепшых фестываляў, “Захід-2013”,на якім вы зможаце пабачыць і паслухаць зорак з Беларусі (Ляпіс Трубецкой), Украіны (Воплі Відоплясова), Расіі (Noize MC) і іншых краін, весела правесці час і набыць новых сяброў. Фестываль адбудзецца з 16 па 18 жніўня ў Радатычах, што знаходзяцца побач з Львовам.

Каб трапіць на “Захід”, вам патрэбен квіток, які каштуе 300 грн (прыблізна 35$), намёт і жаданне!

Даехаць можна рознымі спосабамі: на аўтобусе  Берасце-Львоў, які каштуе 20$ у адзін бок; аўтобусам да Ковеля, а потым на электрычках (12$), або таннейшым спосабам, на электрычках з Брэсту з некалькімі перасадкамі (10$). Зрабіце сабе падарунак, адпачніце ад офісу і бетону разам з сябрамі пад прамяністым украінскім сонцам, слухая добрую музыку. Знайдзіце сабе прыгоды ўспаміны аб якіх, будуць грэць Вам душу ўвесь наступны год.

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *