«Дзедзіч» прапануе ўсім жадаючым адзначыць гадавіну трагедыі азнаямляльнай экскурсіяй па адселеных і закінутых вёсках чарнобыльскай зоны.

26 красавіка спаўняецца 27 год з дня аварыі на Чарнобыльскай АЭС.»Дзедзіч» прапануе ўсім жадаючым адзначыць гадавіну трагедыі азнаямляльнай экскурсіяй па адселеных і закінутых вёсках чарнобыльскай зоны, каб на ўласныя вочы адчуць і зразумець сапраўдныя маштабы экалагічнай катастрофы.
Інфармацыю пра вандроўку, якая адбылася ў прошлым годзе, вы можаце знайсці тут.
Экскурсія ў бліжэйшую зону адсялення адбудзецца 27-28 красавіка. Выезд з Берасця ў пятніцу (26.04), у 19-00. Вяртанне ў Берасце ў панядзелак (29.04), у 7-40.

Падчас паездкі плануецца наведаць мясціны, якія пацярпелі ад аварыі, даведацца пра саму трагедыю, пра прычыны і наступствы, пазнаёміцца з ліквідатарамі. Будзе магчымасць наведаць закінутыя вёскі, пагутарыць з людзьмі, якія працягваюць жыць у зоне адсялення. Начлег адбудзецца ў нашых гомельскіх сяброў.

Увага! Экскурсія адбудзецца не па горадзе Прыпяць, а толькі па бліжэйшых закінутых вёсках! Бяспека перадусім!

Кошт паездкі: 250.000. Сюды ўваходзіць: праезд цягніком у абодва бакі (Берасце-Гомель, Гомель-Берасце), экскурсійны бус.
Харчаванне трэба браць з сабой. Але на агульную вячэру і дыстыляваную ваду бярыце яшчэ каля 50.000.

Для запісу на ўдзел націскайце гузік «Дакладна пайду» у нашай суполцы VK і звяртайцеся па тэлефоне (029) 803-86-31 (Валянцiн).

 

[supsystic-social-sharing id="1"]

Каментарыi

  1. Сяржук
    Ответить

    Параіў бы ў назве двукоссе паставіць перад двойкай, а не пасля. А то «ЧаАЭС-2» неяк стрёмна глядзіцца)))

    Thumb up 0 Thumb down 0

Дадаць каментарый