Грамадзянская ініцыятыва “Справаводства па-беларуску!” распачала новую кампанію па папулярызацыі беларускай мовы ў галіне абслугоўвання і рэкламы – “Тут абслугоўваюць і па-беларуску!”.

Актывісты ініцыятывы распрацавалі спецыяльную налепку, што вытрымае і неспрыяльнае надвор’е, якую жадаючыя могуць наляпіць на сваю краму, шапік ці на дзверы працоўнага месца.

Як распавядае адзін з арганізытараў, гэтую ідэю падказаў яму беларус, прыхільнік “Справаводства па-беларуску!” з Канады, што пражывае ў Квэбэку. Гэта франкамоўная правінцыя, але ўсё ж там сітуацыя падобна да беларускай – па змоўчванні выкарыстоўваецца англійская мова. Для таго, каб тыя, каму карыстацца французкай зручней адчувалі сябе больш упэўнена, на ўстановак абслугоўвання таксама налепліваюць адпаведныя налепкі – “Тут абслугоўваюць і па-французску”. У нас тая ж самая мэта – дапамагчы людзям – і пакупнікам і прадаўцам пераадолець моўны бар’ер, каб беларускамоўныя без стрэсу маглі ў побытавых справах выкарыстоўваць беларускую мову. Наша мэта не заляпіць усё гэтымі налепкамі, бо гэта дыскрыдытуе саму ідэю, а ў кожным выпадку дамаўляцца з уладальнікам аб магчымасці размяшчэння налепкі. Такім чынам можна будзе пазбегнуць нязручнасці і адваротнай рэакцыі, а мы будзем упэўнены, што дакладна ў гэтым месцы па-беларуску беларуса абслужыць здолеюць.

Тыя, хто хоча далучыцца да кампаніі “Тут абслугоўваюць і па-беларуску!” у іншых гарадах можа дасылаць замову на налепкі ў прыватныя паведамленні карыстача vk.com/belaruski_spravavod . Так жа можна і спампаваць макет налепкі.

Грамадзянская ініцыятыва “Справаводства па-беларуску!”, сябра Асамблеі НДА (Літва) займаецца лабіраваннем змен у заканадаўстве, накіраваных на падвышэнне статуса і заканадаўчай абароны беларускай мовы. У 2012 годзе прыярытэтнымі для кампаніі з’яўляюцца накірункі забеспячэнне беларускай мовы ў сферы рэкламы, камунікацыі, культуры і адпачынку.

Крыніца.

[supsystic-social-sharing id="1"]