Крэатыўнасць, рызыкоўнасць, схільнасць да творчасці і інавацыйнасць — такія якасці ў першую чаргу спрабуюць развіць настаўнікі ў еўрапейскай моладзі.

Аднымі з лідэраў у распрацоўцы падобных адукацыйных праграм у Еўрапейскім Звязе сталі Літва і Румынія.

Навучанне прадпрымальніцтву прасоўваецца ў большасці еўрапейскіх краін, адзначае апошняя справаздача Еўрапейскай Камісіі. Паводле дакументу, палова еўрапейскіх краін праз адукацыйныя рэформы пашырае навучанне такім прадпрымальніцкім навыкам як ініцыятыўнасць, рызыкоўнасць, схільнасць да творчасці і крэатыўнасць.

«Калі Эўропа хоча заставацца канкурэнтаздольнай, яна павінна інвеставаць у людзей, у іх навыкі, у здольнасці да вынаходніцтва інавацый, — кажа камісарка па пытаннях адукацыі, культуры, шматмоўя і моладзі ЕЗ Андрула Васіліу. — Гэта значыць, што мы павінныя заахвочваць рэальныя змены ў мысленні еўрапейцаў у іх стаўленні да прадпрымальніцтва, і тое пачынаецца з выхавання духу прадпрымальніцтва з самай ранняй адукацыі».

Як адзначае прэс-служба Еўрапейскай Камісіі, 12 краін еўрапейскіх краін падтрымліваюць навучанне прадпрымальніцтву праз шчыльнае супрацоўніцтва адукацыі і бізнэсу. Да прыкладу, у Еўропе становіцца папулярным стварэнне невялікіх фірм, якімі кіруюць студэнты.

Адным з лідэраў развіцця прадпрымальніцкага духу ў школьнікаў і студэнтаў ёсць Літва. Там яшчэ з пачатковай школы настаўнікі імкнуцца развіць у дзяцей адпаведныя якасці. А ў сярэдняй школе існуе нават адмысловы курс прадпрымальніцтва. Такія ўрокі акрамя Літвы ў ЕЗ можна ў школе можна прайсці яшчэ і ў Румыніі.

Паводле generation.by

[supsystic-social-sharing id="1"]