Ахвяраваць на дзейнасць АРР Дзедзіч
Грамадства

Масавыя ўцёкі беларускіх суддзяў

Ужо два Указы аб вызваленні ад пасад суддзяў агульных судоў падпісаў А.Г. Лукашэнка з пачатку гэтага года.

З пачатку года Лукашэнка падпісаў ужо два Указы аб вызваленні ад пасад суддзяў агульных судоў.

Блогер d-zholik звяртае ўвагу на ненатуральна вялікую колькасць суддзяў, якія напісалі заявы аб складанні з сябе паўнамоцтваў па ўласнай ініцыятыве.

Толькі паводле двух лукашэнкаўскіх Указах гэтага года ад сваіх пасад добраахвотна адмовіліся 16 суддзяў агульных судоў. Улічваючы, што агульная штатная колькасць суддзяў названых судоў складае менш за 1.000, то толькі за пачатак 2012 года беларуская судовая сістэма практычна за адзін раз пазбавілася амаль 2% ад свайго складу. Гэта проста шокавая лічба.

Яшчэ больш жахлівая карціна бачыцца пры супастаўленні з аналагічным паказчыкам мінулага года. Дык вось за ўвесь 2011 год па ўласнай ініцыятыве (сюды ўваходзяць: вызваленне ад пасады па ўласным жаданні; перавод на іншую працу; датэрміновая адстаўка) ад сваіх паўнамоцтваў адмовіліся усяго 11 суддзяў. А толькі за тры першыя месяцы бягучага года – ужо 16.

У наяўнасці сапраўдныя ўцёкі суддзяў з сістэмы.

І нічога дзіўнага ў гэтым няма. Гэтым у асноўнай масе не дурным людзям не магло не абрыднуць, што ў краіне як ніколі ўзмацнілася «тэлефоннае права». Калі рашэнне аб вінаватасці канкрэтнай асобы прымаецца не самім суддзём самастойна, кіруючыся толькі Законам і сваім сумленнем, а спускаецца зверху або з суседніх будынкаў мясцовых пракуратур, падпаддзяленняў КДБ і МУС.

Калі амаль усе пагалоўна грамадзяне з апазіцыйнымі поглядамі, кіраўнікі рэспубліканскіх апазіцыйных палітычных партый і іх рэгіянальных аддзяленняў прыцягнутыя да адміністрацыйнай адказнасці за нецэнзурную лаянку ў грамадскіх месцах.

Калі КДБ дае ўказанні суддзям закрываць загадзя псіхічна здаровых грамадзянаў у псіхіятрычныя лякарні.

Калі суддзям спускаюцца ўказанні аб неабходнасці вынясення абвінаваўчых прысудаў па палітычных справах.

Свой эфект далі і ўведзеныя еўрапейскія санкцыі ў дачыненні да беларускіх суддзяў.

Дарэчы, падобная з’ява адтока кадраў назіраецца і ў МУС. Па ўсёй краіне падпаддзяленні названага ведамства адчуваюць катастрафічны кадравы голад. Толькі за апошні час з сістэмы МУС звольнілася некалькі тысяч чалавек. Хоць яшчэ нейкіх некалькі гадоў назад, каб патрапіць на службу ў тыя ж РАУС патрабавалася даць значны хабар патрэбным людзям з сістэмы МУС. Толькі пасля чаго жадаючаму гарантавалася паспяховае праходжанне ведамаснай медкамісіі і залічэнне ў шэрагі «доблеснай» беларускай міліцыі. І вось праз некалькі гадоў такое…

Адзіная сістэма, не адчувае падобных праблем – гэта КДБ. Але туды першапачаткова адбіраюць людзей без усялякіх маральных прынцыпаў. Як гаворыцца, быў бы маральны вырадак, а месца ў КДБ для яго заўсёды знойдзецца.

Лічыцца, што першымі чуюць, што карабель тоне – гэта пацукі. Якія і бягуць з яго першымі.

У дадзенай сітуацыі пацукі – гэта суддзі, супрацоўнікі МУС… А карабель – рэжым Лукашэнкі, які відавочна ідзе на дно.

Крыніца: charter97.org

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *