22-24 траўня ў Парыжы адбудзецца глабальны моладзевы конкурс відэа 2012. Запрашаецца на ўдзел моладзь ад 18 да 25 гадоў. Удзельнікам аплочваюцца транспартныя выдаткі, размяшчэнне ў гатэлі і суткавыя.

Сайт праграмы www.oecd.org

Дэдлайн: 31.03.2012 г.

У конкурсе прымаюць удзел вiдэа на тэму:

— Адукацыя і навыкі — што з’яўляецца вялікай праблемай на сённяшні дзень?
— Навучанне неабходным навыкам, каб атрымаць працу;
— Пераадоленне «лічбавага разрыву»;
— Барацьба з няроўнасцю ў доступе да адукацыі і прафесійнай падрыхтоўкi;
— Натхняючы крэатыў ды інавацыі;
… ці нешта яшчэ:)

Каб удзельнічаць у конкурсе неабходна запоўніць і адправіць электронную рэгістрацыйную форму (у тым ліку спасылкі на відэа на YouTube).

Патрабаваннi да відэа:

— Вашае відэа павінна быць не больш за 3 хвілін.
— Любая размоўная мова, якая выкарыстоўваецца ў відэа, калi гэта не англійская ці французская, павінна суправаджацца адпаведнымі субтытрамі на англійскай ці французскай мовах.
— Вашае відэа не павінна ўтрымліваць гвалту, ненарматыўнай лексікі, паў- ці прамога нападу на асобных асоб. Любыя запісы, якiя лічацца абразлівымі, будуць неадкладна дыскваліфікаваныя.
— Вашае відэа павінна быць ўласнае ды арыгінальнае. Могуць быць выкарыстаныя музыка, відэа, гукі і малюнкі, якія не абароненыя аўтарскiмi правамi.
— Вашае відэа не павінна парушаць правоў трэціх асоб.

Пераможцы конкурсу будуць абвешчаныя 16 красавіка 2012 г па электроннай пошце, а таксама апублікаваныя на сайце конкурсу OECD.

Аўтары вiдэа-пераможцаў будуць запрошаныя ў Парыж 22-24 траўня 2012 года падчас правядзення форуму OECD.

Падрабязней тут.

Кантактны мэйл арганiзатараў конкурсу: [email protected] .

Паводле Адукацыя.інфо

ballon OECD

[supsystic-social-sharing id="1"]