Ахвяраваць на дзейнасць АРР Дзедзіч
Культура

У Берасці адкрываецца выстава вясельнай фатаграфіі

 З 14 сакавіка ў кінатэатры “Беларусь” на 2-м паверсе адкрыецца выстава вясельнай фатаграфіі аб’яднання фатографаў горада над Бугам Dream Wedding.

На выставе можна будзе пазнаёміцца з працамі вядомых вясельных фатографаў горада: Мікалая і Алены Сянкевіч, Аляксандра Корабава, Славы Жураўлевіча, Алена Русакевіч і Веры Ярэмавай.

Цэлы год фотамайстры рыхтавалі свае працы. Таму на выставе будзе прадстаўленна не вясельнае застолле, а мастацкае фота.

Па словах аднаго з прафесійных фатографаў, каб зрабіць якасны здымак, недастаткова купіць дарагую апаратуру:

– Сёння здымка вяселля – гэта складаны жанр. Мне даводзіцца ўвесь час шукаць новыя ракурсы. У выйгрышы ад такой працы толькі маладыя.

Выстава дасць магчымасць кожнаму азнаёміцца з сучаснымі тэндэнцыямі развіцця вясельнай фатаграфіі, ацаніць узровень работ берасцейскіх фатографаў і проста атрымаць асалоду ад незабыўнага дня вяселля.

Выстава вясельнай фатаграфіі працягнецца да 18 сакавіка.

Фота Рамана Лабуна

Фота Рамана Лабуна

 

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *