Ахвяраваць на дзейнасць АРР Дзедзіч
Грамадства

У Новы год з незалежным прафсаюзам…

Каля 600 работнікаў аднаго з найбуйнейшых у Беларусі дзяржаўнага прадпрыемства па здабычы і перапрацоўцы шчыльных горных парод выйшлі з прафсаюзнай арганізацыі па прычыне нездавальняючай працы прафкама і нізкай зарплаты.

Пачалося ўсё з таго, што 220 кіроўцаў РУВП “Граніт” напісалі заявы аб выхадзе з прафсаюза. Пасля да іх далучыліся рабочыя іншых цэхаў, якія не адчувалі абароны сваіх правоў у цяперашняй эканамічнай сітуацыі: кошты растуць з кожным днём, а зарплата ранейшая.

Але кіраўніцтва РУВП “Граніт” выступіла супраць такога рашэння, паведамляе “БЕЛАРУСКІ ПАРТЫЗАН”:

– Па машыне майго сябра стрэлілі з стрэльбы, – кажа адзін з кіроўцаў БелАЗа.

– А маім бацькам тэлефанавалі з просьбай паразуміць мяне, – распавядае экскаватаршчык.

– Пагражалі звольніць з працы! А хто працаваць будзе? Нас жа сотні! – Забегалі, заварушыліся, а раней пра што думалі? Людское цярпенне не бязмежна!

Не гледзячы на тое, што рабочым і іх сем’ям, якія напісалі заявы аб выхадзе з прафсаюза, паступаюць пагрозы з боку кіраўніцтва, людзі не здаюцца.

Зараз на «Граніце» створана першасная незалежная прафсаюзная арганізацыя, абрана кіраўніцтва выканаўчага бюро і кантрольная камісія – піша лунінецкі інтэрнэт-партал “Информ-прогулка”.

Фота: paper.li

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *