На кожны дзень мы маем столькі планаў, колькі паспець звычайнаму чалавеку амаль немагчыма. Часта мы гаворым сабе, што зробім нейкую справу за паўгадзіны — а робім за паўдня.

Ёсць цікавая методыка, якая можа дапамагчы ў такіх выпадках. Для гэтага вам спатрэбіцца памідор — кухонны таймер (ці любы іншы))).

Вось план дзеянняў:

1. Бяром які-небудзь таймер.

2. Прыступаючы да нейкай задачы, заводзім на таймеры час, адведзенны на гэту задачу, за вылікам пяці хвілін. (напрыклад — для паўгадзіннай задачы ставім таймер на 25 хвілін).

3. У адведзены час працуем толькі над пастаўленай задачай. Не адцягваемся. Не дазваляем калегам адцягваць нас. Не тэлефануем. Не распачынаем новай працы.

4. Калі звоніць будзільнік — за апошнія пяць хвілін пераходзім да задачы завяршыць распачатую справу, падвесці вынікі і мець нейкія вынікі.

Такім чынам, мы не проста плануем час, мы таксама сочым за гэтым часам і адводзім апошнія хвіліны на сістэматызацыю. Да таго ж мы не аддцягваем нашу ўвагу ад выканання задачы, бо імкнемся паспець гэта за адведзены час.

Такая методыка можа дапамагчы ў падрыхтоўцы да экзаменаў, напісанню рэфератаў і шмат яшчэ ў чым!

Поспехаў вам і часу для гэтых поспехаў!

[supsystic-social-sharing id="1"]