Ахвяраваць на дзейнасць АРР Дзедзіч
Культура

З’явіўся першы беларускі комікс

Прэзэнтацыя першага беларускага поўнафарматнага коміксу “Андрэй Трасянок і загадка Плошчы Каліноўскага” адбылася ўвечары 16 чэрвеня ў сядзібе Партыі БНФ.
Як паведаміў намеснік старшыні партыі Ігар Лялькоў, комікс створаны ў рамках кампаніі “Страху няма”, якую ў лютым абвясціла кааліцыя “Беларускі выбар”.

Лялькоў адзначыў, што гэта “першая ластаўка” кампаніі, закліканай “паказаць, што беларускія ўлады і спецслужбы зусім не страшныя”.

Яны, можа быць, зласлівыя, але ў той жа час смешныя, – сказаў палітык.

Па словах аднаго са стваральнікаў коміксу Алега Новікава, у беларускай гісторыі пакуль не было спробаў стварыць паўнафарматны комікс.

Былі спробы ў 1990-я гады, потым былі” Саша і Сірожа “, аднак ўвязаць усё ў адзіны сюжэт, у адзіную фабулу – такога яшчэ не было, і мы паспрабавалі гэта зрабіць, – заявіў Новікаў.

Паводле яго, стваральнікі коміксу ня думалі, што гэта будзе так цяжка. Праект ад задумы да рэалізацыі заняў амаль чатыры гады.

Мы не ўяўлялі, як гэта зрабіць. Арыентаваліся спачатку на коміксы пра Чалавека-павука, аднак у нашых умовах шмат што прыйшлося перарабляць. Трэба было з розных фактаў зрабіць адзін сюжэт – дынамічны, у жанры” фікшн “. Акрамя таго, мы меркавалі зрабіць вобраз галоўнага героя ў духу папулярнага дэтэктыва тыпу Фандорына , – сказаў адзін з аўтараў коміксу.

Сюжэт коміксу заключаецца ў тым, што спіты міліцыянт Андрэй Трасянок, які бамжуе ў Менску ў пошуках бясплатнай ежы, трапляе ў 2006 годзе ў намётавае мястэчка на плошчы Каліноўскага. Там яму даручаюць знайсці укаранёнага агента. У працэсе пошуку Трасянок разумее, што гэта падобна на тое, як у 1863 годзе падчас паўстання жандары шукалі Кастуся Каліноўскага.

Комікс выдадзены накладам 300 асобнікаў. Аб’ём кнігі 140 старонак.

Стваральнікі, па словах, Новікава, плянуюць на яго аснове зрабіць мультфільм, а таксама працягнуць сэрыю пра Андрэя Трасянка.

Паводле: Радыё Свабода

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *