Прэзідэнт Беларусі Аляксандр Лукашэнка аддаў загад знізіць з заўтрашняга раніцы кошты на паліва. Аб гэтым ён заявіў сёння на нарадзе па актуальных пытаннях эканомікі, перадае карэспандэнт БЕЛТА.

«Давайце дамовімся: паліва з заўтрашняга раніцы будзе не Br5200-5100, а максімум Br4500, — сказаў Аляксандр Лукашэнка. — Таму можаце ісці і абвясціць усім: Br4500 — гэта максімум, гэта я бяру самы дарагі бензін. Ад гэтага будзем лічыць і дызельнае паліва , і больш танны бензін», — падкрэсліў кіраўнік дзяржавы.

Аляксандр Лукашэнка адзначыў, што ў далейшым кошт на бензін не будзе рэзка расці, будзе прывязаны да курсу даляра, калі ён ўсталюецца. «І да 1 студзеня, калі ў нас будзе курс не тое Br5000, не тое Br4500: калі Br4500 — такім і застанецца, калі Br5000 — значыць, да 1 студзеня будзеце працаваць па цэнаўтварэнні, у квартал дадаючы па 2-3%, калі гэта трэба будзе, але не на 30% «, — сказаў Прэзідэнт. «Вось і ўсё маё рашэнне па паліве», — заключыў ён.

А нам застаецца толькі чакаць, што будзе з гэтых абяцанняў, бо вельмі ўжо шмат усякіх там «калі». І канешне паўстае пытанне, а калі ж гэты даляр усталюецца? Валюты ў абменніках як не было, так і няма.

benzin

benzin

[supsystic-social-sharing id="1"]