На працягу дня беларусы сабралі больш 1,6 млн рублёў у дапамогу Алегу, які 25 траўня заступіўся за безквітоўніка на прыпынку поруч гандлёвага цэнтра «На Нямізе».

Нагадаем, у выніку канфлікту з рэвізорам «Менсктранса» і супрацоўнікамі міліцыі мужчыну абавязалі выплаціць штраф у 700 тысяч. Пазнаўшы аб такім развіцці падзей, у сацыяльных сетках актыўна падхапілі ініцыятыву сабраць у дапамогу Алегу сродку на аплату штрафу. Сабраная сума з лішкам яго акрые.

Навіна аб бойцы з міліцыяй на Нямізе актыўна абмяркоўвалі на форумах і ў соцсетях. Калі з’явілася інфармацыя аб тым, што Алега аштрафавалі, дзясяткі людзей адгукнуліся з жаданнем аказаць яму матэрыяльную дапамогу. Вынікі арганізаванай у соцсетях акцыі па зборы сродкаў, мякка кажучы, здзівілі. Так, толькі пасродкам Twitter за 4 гадзіны было сабрана больш 1 млн 290 тысяч рублёў. Каля 370 тысяч Алегу перадалі асабіста.

Каля 20-30 чалавек, якія пажадалі асабіста перадаць Алегу грошы, сказалі яму словы падзякі і паціснулі руку. Злёгку збянтэжаны, мужчына дзякаваў менчукоў, якія падыходзілі да яго са словамі: «Алег, ведайце, што вы не адзін», «Дзякуй, што вы ёсць», «Дзякуй за грамадзянскую пазіцыю», «Вы ўскалыхнулі краіну», «Можна паціснуць вам руку?». Людзі падыходзілі і сыходзілі, хтосьці затрымоўваўся. Хвілін праз 15, з з’яўленнем людзей у цывільным, усё разыйшліся.

Паводле: TUT.BY

[supsystic-social-sharing id="1"]