10 сакавіка ў Берасці сябры АГП і БНФ  сустрэліся са шведскай партыяй »Мадэратарства». Нагодаю форуму  стала абмеркаванне  мясцовых кампаній. Увага была прысвечана пытанням аб тым, як планаваць і арганізоўваць кампаніі, ці патрэбныя структуры арганізацыям у малых гарадах, а таксама метадам далучэння моладзі да патрый і арганізацый.

— Нашая партыя працуе для дэмакратызацыі палітычных рэжымаў, у першую чаргу там, дзе няма дэмакратыі. На пачатку 90-х гадоў яна  пачала сваё існаванне. Пачалі з Балтыйскіх краін. Зараз супрацоўнічаем з Турцыя, Украінай  і нават краінамі Афрыкі. Я працую па беларускіх пытаннях. Ужо два гады БНФ супрацоўнічае са шведскай кансерватыўнай партыяй лібералаў »Мадэратарства», — падкрэсліў Крістіам Хальм (Kristian Halm), сябр шведскага парламенту і камітэта па міжнародных адносінах.

У выніку форуму былі вылучаны асноўныя праблемы арганізацыі кампаніі і метады іх вырашэння.

Аліса Майская, dzedzich.org

[supsystic-social-sharing id="1"]