Ахвяраваць на дзейнасць АРР Дзедзіч
Культура

Пуд мёду атрымаў паэт Алесь Корнеў

У Пружанах 14 студзеня адбылося ўручэнне мядовай літаратурнай прэміі, якая заснаваная пружанскім прадпрымальнікам Мікалаем Папекам і ўручаецца штогод з 2001-га.

Мядовую прэмію (пуд мёду і дыплом) за 2009 год атрымаў баранавіцкі паэт Алесь Корнеў за зборнік вершаў “Неўтаймаваны сексафон”.

− Алесь Корнеў – адзін з самых стваральных паэтаў Берасцейскай вобласці. Ён – аўтар шматлікіх паэтычных зборнікаў вершаў. У такіх зборніках як “Услед за ластаўкай”, “Грае раніца зару” Алесь Корнеў апявае пра прыгажось роднай зямлі і яе людзей. А ў зборніку вершаў “Крыжы зямелькі нашае” аўтар у вершавальнай форме паказвае трагічна-гераічную гісторыю нашай зямлі, − кажа актывіст “Руху “За Свабоду” Віктар Сырыца.

Паводле Віктара Сырыцы, паэт Корнеў (па прафесіі доктар-гінеколаг) найбольш праславіўся любоўнай лірыкай, раскрыццём інтымных адносінаў паміж мужчынай і жанчынай. Пра такое прыгожае каханне апяваецца ў зборніках вершаў “Жаночыя напевы”, “Пад зоркай Мілавіцай”, “Неўтаймаваны сексафон”. Тут майстар прыгожага слова піша не пра родны куточак, палі і лугі, не пра цяжкую беларускую долю, сенажаці, хаты ды лясы. Гэтыя вершы, найперш, пра каханне, пра эротыку, якой здаўна не хапае беларускай паэзіі.

Усе прыхільнікі роднага слова шчыра віншуюць спадара Алеся Корнева з прыгожай і заслужанай узнагародай.

Паводле milinkevich.org

kornieu1

Пераможца конкурсу - Алесь Корнеў

kornieu2

Падчас мерапрыемства

kornieu3

Падчас мерапрыемства

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *