Уладзімір Макей 20 лістапада сустрэўся з вярхоўным атаманам аб’яднання «Усебеларускае аб’яднанае казацтва» генерал-лейтэнантам казачых войскаў Мікалаем Ярковічам.

Як перадае БЕЛТА, падчас сустрэчы абмеркаваныя пытанні адзінства казачага руху ў Беларусі, адзначана значная роля Усебеларускага аб’яднанага казацтва ў грамадскім жыцці дзяржавы, патрыятычным выхаванні.

Кіраўнік адміністрацыі Лукашэнкі падкрэсліў, што дзяржава з адмысловай увагай ставіцца да тых грамадскіх аб’яднанняў, чыя дзейнасць накіравана на рашэнне агульнадзяржаўных задач у выгоду Айчыны і беларускага народа. Дасягнута дамоўленасць пра тое, што хуткім часам Макей наведае адзін з казачых ваенна-патрыятычных цэнтраў.

Кіраўнік адміністрацыі Лукашэнкі адзначыў таксама неабходнасць захавання і развіцці казачага руху ў краіне.

Нагадаем, што беларуская грамадскасць скептычна і насцярожана паставілася да актывізацыі ў Беларусі так званых «казакоў». У часы Расійскай імперыі казацкія палкі дасылалі ў Беларусь, каб расправіцца з паўстанцамі. Па сведчанні гісторыкаў, казакі пакінулі тут крывавыя сляды. Шматлікія вядомыя ў краіне людзі былі забіты ці закатаваны імі.

«Казацтва ў Беларусі — палітыканства, навязванне нам не толькі чужых стэрэатыпаў, але і прама недружалюбных. Казакі ў гісторыі Беларусі асацыююцца, першым чынам, са збіццём і прымусам да чужой насельніцтву веры», — заявіў адзін з лідараў Партыі БНФ Вінцук Вячорка.

Ён таксама падкрэсліў, што ў адрозненне ад Украіны і паўднёвых рэгіёнаў Расіі «казакі ў Беларусі ніколі не былі саслоўем, ніколі не былі прадстаўлены як дзяржаўны інстытут».

Паводле «Хартыі-97».

Пра ролю казакоў у гісторыі Беларусі чытайце тут.

kazakі

Казакі ў Беларусі пакінулі крывавы след

[supsystic-social-sharing id="1"]

Каментарыi

  1. Госьць
    Ответить

    Каля Дамачава калісь існавалі паселішчы пратэстантаў-лютэранаў. Захаваліся зьвесткі пра казацкія справы падчас набег з тэрыторыі сучаснай Украіны. Казакі сілай зброі прымушалі лютэранаў пераходзіць у праваслаўе. Беларусы ж адрозненні ад казакоў былі вельмі талерантнымі.
    Што пацвяржае словы Вячоркі.

    Thumb up 0 Thumb down 0

Дадаць каментарый