Ахвяраваць на дзейнасць АРР Дзедзіч
Грамадства

Мірны “Дзень Салідарнасці”

Каля трох дзясяткаў чалавек бралі ўдзел у акцыі Дзень салідарнасці, якая адбываецца традыцыйна 16 чысла кожнага месяца на Кастрычніцкай плошчы ў Менску. Міліцыя паводзіць сябе вельмі карэктна, можна сказаць, што іх там увогуле не было.

Удзельнікі акцыі сталі ўздоўж праспекта Незалежнасці, яны прымалі ў руках бел-чырвона-белыя сцягі, расцяжку “Мы памятаем!” а таксама партрэты зніклых палітыкаў і тых, хто зараз знаходзіцца за кратамі, гэта – Мікалай Аўтуховіч і Арцём Дубскі. Сярод палітыкаў удзел у акцыі ўзялі – Анатоль Лябедзька, Лявон Баршчэўскі, Віталь Рымашэўскі і Вячаслаў Сіўчык. Ніякіх супрацьдзеянняў міліцыянтаў удзельнікам акцыі не аказвалася, акцыя прайшла мірна, адзінае – ішоў відэазапіс усіх, хто прымаў удзел у акцыі.

Адзін з удзельнікаў акцыі, каардынатар гармадскай кампаніі “Хартыя-97” Зміцер Бандарэнка ў інтэрв’ю Рацыі адзначыў, што галоўнай прычынай неўжывання сілы міліцыянтамі з’яўляецца эканамічны крызіс, які пануе на Беларусі.

– Лукашэнке вельмі патрэбныя еўрапейскія крэдыты, каб працягнуць сваё дыктатарскае праўленне, – адзначыў актывіст.

Акцыя цягнулася роўна паўгадзіны, пасля чаго арганізатры абвесцілі пра яе заканчнне.

Кастусь Вансяцкі, Радыё Рацыя

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *