АРР “Дзедзіч” запрашае маладых людзей з усіх рэгіёнаў Беларусі да ўдзелу ў добраахвотніцкім летніку “Дом еўрапейскіх сустрэч – 2012”, які пройдзе ў вёсцы Залессе Камянецкага раёна з 23 па 29 ліпеня.

Восенню 2008 года ў гэтай вёсцы намаганнямі сяброў “Дзедзіча” быў знойдзены і выкуплены прыгожы дом 1931 года пабудовы. Ужо 4 гады паступова, але мэтанакіравана вядуцца будаўнічыя працы па стварэнні грамадскага асяродка для адукацыйных, культурных, спартыўных і экалагічных імпрэз, летнікаў, семінараў, канферэнцый, музычных фэстаў, у якіх будзе браць удзел моладзь з Беларусі і іншых краін Еўропы.

Еўрапейскі дом мы можам пабудаваць разам!!!

Актыўных і пазітыўных маладых людзей з усіх рэгіёнаў Беларусі запрашаюць далучыцца да працы ў летніку, каб стаць надалей ганаровымі і заўсёды жаданымі гасцямі “Еўрапейскага дому”.

Як усё будзе адбывацца?

З 23 ліпеня пачынае працу намётавы гарадок вакол аб’екта рэканструкцыйна-будаўнічых прац.

Летнік “Беларускі дом еўрапейскіх сустрэч” гэта:

• - працы на аб’екце 3-4 гадзіны ў дзень (гл. распарадак дня);
• - сустрэчы з вядомымі творчымі асобамі;
• - вандроўка ў Воўчын (радзіма апошняга караля Рэчы Паспалітай са старажытным Троіцкім касцёлам);
• - вандроўка ў Ставы (святая крыніца);
• - свята вады і агня на возеры Катэра;
• - вечаровы Open Air;
• - дэбаты;
• - прыемныя размовы і летнія раманы )))

Каб патрапіць на летнік, трэба:

• быць авантурным, прыемным, разумным, крэатыўным і вясёлым чалавекам;
• запоўніць анкету-заяўку і даслаць яе на адрас: dzedzich@tut.by да 15 ліпеня;
• прыехаць;
• і застацца ў ганаровай кнізе сябрам “Еўрапейскага дома” назаўжды!!!

Арганізатары летніка забяспечваюць:

• - праезд з Берасця і назад;
• - размяшчэнне (у намётах);
• - харчаванне.

Пытанні, заяўкі і анкеты прымаюцца да 15 ліпеня на электронную скрыню: dzedzich@tut.by.

Тэлефоны для дадатковай інфармацыі: 8(029)724-21-16, 8(029)660-57-41 (Дзмітрый).

Паглядзець фота з папярэдніх летнікаў: тут і тут і тут і тут.

Спампаваць анкету-заяўку на ўдзел у летніку: тут.

Спампаваць распарадак дня: тут.

Спампаваць правілы ўдзелу ў летніку: тут.

Перайсці да мерапрыемства “Укантакце”: тут.

Відэафільм пра АРР “Дзедзіч” на тэлеканале “Белсат” расказвае ў тым ліку і пра Дом еўрапейскіх сустрэч:

А тут можна паглядзець home-відэа з летніка “Залессе-2011″, каб адчуць яго атмасферу: