GFPS-Polska аб’яўляе прыём заяваў на стыпендыю ў Польшчы на летні семестр  2015 года (сакавік-ліпень) длястудентаў і выпускнікоў ВНУз Беларусі. Дэдлайн 31 кастрычніка 2014!

GFPS_Polska_logo_poziome

Навукова-культурная стыпендыя, якую прысуджае GFPS-Polska і Фонд Польска-Нямецкага супрацоўніцтва, прызначана для асобаў, якія вылучаюцца добрымі вынікамі ў вучобе, з цікавымі праектамі і даследаваннямі. Ад кандыдатаў мы патрабуем камунікатыўных ведаў польскай мовы (вуснай і пісьмовай), гатоўнасць актыўна ўдзельнічаць у навуковым, культурным і грамадскім жыццы акадэмічнай супольнасці ў час вучобы ў Польшчы. Вітаюцца кандыдаты, якія могуць пацвердзіць сваю дзейнасць у інтарэсах няўрадавых арганізацый, удзел у грамадзянскіх ініцыятывах або выдатныя навуковыя дасягненні (удзел у канферэнцыях, мерапрыемствах у навуковых колах).

Што GFPS прапаноўвае:

– 5 месяцаў побыту ў адным з універсітэцкіх цэнтраў Польшчы;

– магчымасць працы над уласным навуковым ці культурным праектам;

– магчымасць наведвання заняткаў у найлепшых польскіх універсітэтах;

– апеку з боку лакальнай групы GFPS-Polska;

– удзел у трох семінарах – Днях гарадоў у Чэхіі, а таксама Форуме ў Польшчы;

– стыпендыю памерам 1450 злотых у месяц;

– сяброўскія стасункі і незабыўныя ўспаміны на ўсё жыццё.

Неабходны набор дакументаў:

– запоўненая анкета;

– матывацыйны ліст на польскай мове (не больш за 2 старонкі фармата A4, каля 1800 знакаў на старонку);

– план побыту ў Польшчы на польскай мове, які ўтрымлівае апісанне праекту, для удзелу у стыпендыяльнай праграме (не больш за 2 старонкі фармата A4, каля 1800 знакаў на старонку);

– даведка з навучальнай установы з указаннем сярэдняга бала падчас усяго тэрміна навучання альбо копія дыплома аб вышэйшай адукацыі;

– сертыфікат або копію дакумента, які пацвярджае веданне польскай мовы на ўзроўні, які дазваляе свабодную камунікацыю;

Уся дакументацыя мусіць быць дасланая ў электронным выглядзе! Заяўкі і магчымыя пытанні неабходна дасылаць на адрас:  stypendia-by@gfps.pl. Сумоўі з кандыдатамі, якія пройдуць першы этап адбора, адбудуцца на польскай мове ў Мінску ў пачатку лістапада.

Падрабязнасці на сайце www.gfps.pl

Заўважылі памылку?

Вылучыце яе мышкай і націсніце Ctrl+Enter

Сістэма Orphus

Дадаць каментарый