 |
 |
|
Бібліятэка для сляпых | У Берасцейскай вобласці пачалася рэалізацыя праекту па стварэнні ў бібліятэках рэгіёна сектараў агучанай літаратуры для інвалідаў па зроку.
Падобны праект рэалізуецца ў Беларусі ўпершыню. Пакуль на Берасцейшчыне ёсць толькі дзве спецыялізаваныя бібліятэкі для інвалідаў па зроку (у абласным цэнтры і Пінску), таму жыхары іншых раёнаў змушаныя заказваць падобныя кнігі па пошце. Зараз тэрыторыя распаўсюджвання гэтай прадукцыі будзе пашыраная: першыя паўсотні агучаных асобнікаў кніг ужо паступілі ў Баранавіцкую цэнтральную гарадскую бібліятэку, а ў хуткім часе яны з'явяцца ў Століне, Бярозе, Драгічыне ды Пружанах. У перспектыве сектары агучанай літаратуры плануецца стварыць і рэгулярна папаўняць ва ўсіх раённых бібліятэках вобласці. |
Новая плошча - новы помнік | У Берасці будзе ўсталяваны манумент, прысвечаны тысячагадовай гісторыі горада.
Праект ужо зацверджаны прэзідэнтам, а яго аўтару Аляксею Паўлючуку засталося толькі зрабіць некаторыя ўдакладненні. Манумент будзе ўяўляць сабою шмат'ярусную і шматфігурную кампазіцыю са скульптурамі дзеячаў, якія пакінулі значны след у гісторыі горада, сярод якіх Вітаўт, Ягайла, Мікалай Радзівіл Чорны, Леў Сапега, Юльян Урсын Нямцэвіч і
іншыя. А на вяршыне калоны будуць знаходзіцца выявы ўкленчанага купца да Маці Божая, сімвалізуючыя легенду аб заснаванні горада. Месца ўсталёўкі таксама вызначанае – гэта скрыжаванне вуліц Савецкай і Гогаля ў гістарычным цэнтры горада.
|
Аквапарк у Кобрыне!? | У Кобрыне ў найблізкі час прыступяць да будаўніцтва аквапарка.
Ужо зацверджаная і рыхтуецца пад новы аб’ект пляцоўка на беразе ракі Мухавец, вызначаная будаўнічая арганізацыя і кошт прац - а гэта каля 1 млн даляраў з крэдытнага фонду Нацыянальнага банка Беларусі. Аб'ект будзе ўзводзіцца па праекце аквапарка "Азёрны", які ўжо некалькі гадоў працуе ў Гарадзенскай вобласці. У "Азёрным" ёсць не толькі вялікі басейн з воднымі атракцыёнамі, але і лазневая зала з саўнай, залы лячэбнай фізкультуры і гразевых працэдур ды зімовы сад. Кобрынцам можна будзе пазайздросціць, бо аналогаў дадзенаму аб'екту ў вобласці няма. |
Летні тэатр да "Дажынак" | У Кобрынскім парку імя Суворава знеслі стары Летні тэатр.
Драўляны будынак з залай на 700 месцаў быў пабудавана яшчэ ў 1966 годзе, і, як гавораць, маральна састарэў. Летні тэатр ужо разабралі, але будаўнічае смецце пакуль не вывезлі. На яго месцы пабудуюць новы амфітэатр, які зможа змясціць да 2 тысяч гледачоў. Такая канцэртная пляцоўка Кобрыну патрэбная ўжо даўно. Па планах новы амфітэатр будзе скончаны ў 2009 - як раз да рэспубліканскага фестывалю "Дажынкі", які пройдзе ў гэтым горадзе. |
Летні тэатр да "Дажынак" | У Кобрынскім парку імя Суворава знеслі стары Летні тэатр.
Драўляны будынак з залай на 700 месцаў быў пабудавана яшчэ ў 1966 годзе, і, як гавораць, маральна састарэў. Летні тэатр ужо разабралі, але будаўнічае смецце пакуль не вывезлі. На яго месцы пабудуюць новы амфітэатр, які зможа змясціць да 2 тысяч гледачоў. Такая канцэртная пляцоўка Кобрыну патрэбная ўжо даўно. Па планах новы амфітэатр будзе скончаны ў 2009 - як раз да рэспубліканскага фестывалю "Дажынкі", які пройдзе ў гэтым горадзе. |
Агляд культурных падзей за тыдзень | - У Белавежскую пушчу зможа прыехаць цяпер кожны
- Па ініцыятыве Беларускай асацыяцыі журналістаў у Берасцейскай гарадской бібліятэцы адкрылася арыгінальная выстава фотаработ
- Моладзь Берасця адзначыла 1-е траўня масавым флэшмобам
- Сёння ў памяшканні Берасцейскай суполкі партыі БНФ адбудзецца творчая сустрэча з вядомым тэатральным рэжысёрам Валерам Мазынскім
- 4 траўня на рынку "Стары горад" пройдзе вясновы галубіны кірмаш
- Гурт «Крамбамбуля» зараз актыўна рыхтуе новую праграму «Хвалі пазітыву» |
У Белавежскую пушчу без даведак | Дарога з Берасця ў Белавежскую пушчу будзе выключана з памежнай зоны.
Згодна прапановы, якая была накіравана прадстаўніцтвам Дзяржаўнага памежнага камітэту ў Берасцейскі гарвыканкам, і там зацверджана, цяпер у Белавежскую пушчу зможа прыехаць кожны грамадзянін Беларусі без набыцця адмысловых даведак, якія патрабуюцца для знаходжання ў памежнай зоне прыезджых. Нагадаю, што выдача пропускаў на права ўезду ў памежную зону ажыццяўляецца аддзяленнем па грамадзянству і міграцыі раённых аддзелаў органаў унутраных спраў. Для гэтага па месцы жыхарства патрэбна накіраваць пісьмовую заяву з тлумачэннем мэты наведвання памежнай тэрыторыі. Адмена ж такога патрабавання для Белавежскай пушчы накіравана на прыцягненне турыстаў у гэты рэгіён. |
На штрафстаянку, а пасля ў суд | Сёння ў судзе Маскоўскага раёна Берасця разглядалася справа Андрэя Лебянчука, каардынатара БХД па Берасці.
Андрэй у пятніцу вечарам быў спынены ДАІ на сваёй машыне, нібыта для праверкі дакументаў і далей быў накіраваны на штрафстаянку для праверкі: ці не перабіты нумары кузава машыны. Далей Андрэя накіравалі ў ізалятар часовага ўтрымання па вуліцы Багданчука.
Сёння на судзе хлопец даведаўся, што на яго складзеная справа за брыдкаслоўе на супрацоўніка ДАІ.
Пад час разгляду справы ў суддзі ўзнікла шмат пытанняў наконт складання пратакола і адсутнасці подпісаў затрыманага на гэтых дакументах, таму было вырашана справу накіраваць на дапрацоўку, а Андрэй выпушчаны на свабоду.
Сам Андрэй лічыць, што быў проста дадзены загад наконт яго затрымання, а ў такім выпадку падставу лёгка знайсці, мабыць хацелі каб ён не трапіў на "Чарнобыльскі шлях", хоць і сам Андрэй туды не планаваў ехаць, а збіраўся на Вялікдзень наведаць бацькоў.
|
Агляд культурных падзей за тыдзень | - У тэатры лялек берасцейцы змаглі ацаніць творчасць польскага калектыва "KARBIDO"
- Калекцыя музея абароны Берасцейскай крэпасці папоўнілася чарговым каштоўным экспанатам
Вырашаецца пытанне і аб выдзяленні паўтары мільярдаў рублёў на рэстаўрацыю штыка-абеліска ў тым самым мемарыяльным комплексе
- У пленэры на тэму халакоста, ініцыяваным габрэйскай суполкай Пінска, прымуць удзел дваццаць мастакоў розных нацыянальнасцяў
- "Пушкін у сучасным свеце. Тэкст і кантэкст" - рэспубліканская навукова-практычная канферэнцыя з такім назовам прайшла 24 і 25 красавіка ў Берасцейскім дзяржаўным універсітэце
- 25 красавіка ў Берасцейскім дзяржаўным універсітэце прайшоў конкурс красамоўства і прамоўніцкага майстэрства "Майстар слова-2008"
- 26 красавіка ў начным клубе "Павуціна" адбыўся рок-фестываль у памяць аб ахвярах Чарнобыльскай аварыі |
Пажар можна было бачыць нават з цэнтра горада | 24 красавіка ў Берасці на даху iнструментальнага цэха электралямпавага завода адбылося ўзгаранне.
У тушэннi было задзейнiчана шэсць пажарных разлiкаў, якiм спатрэбiлася 17 хвiлiн, каб лакалiзаваць агонь. Згарэлi старыя рулоны руберойду, якiя знялi з даху падчас рамонту. Людзi не пацярпелi i прадпрыемству ўрон не нанесены. Па папярэдняй версii, прычынай стала парушэнне тэхнiкi бяспекi. |
Удар па дзедаўшчыне | За здзек з саслужбоўца сяржант тэрміновай службы атрымаў тры гады пазбаўлення волі.
У батальёне радыёэлектроннай барацьбы, што змешчаны ў Берасці на "Чырвоным двары", да стараслужачага падышоў яго аднагодка з пытаннем: ці забіраў днявальны у маладых ежу, дасланую бацькамі? І калі забіраў - дзе яна? Той даў адмоўны адказ. Не паверыўшы, сяржант пачаў наносіць таварышу ўдары па твары, затым запіхнуў у бытоўку, разадраў у ахвяры адзежу на грудзі, узяў ўключаны прас і прыпёк ім калегу. У выніку - тэрмічны апёк грудной клеткі.
Па словах суддзі Берасцейскага міжгарнізоннага вайсковага суду Эдуарда Каспяровіча, звычайна саслужбоўцы прабачаюць адзін аднаго і падчас суду просяць моцна не караць абвінавачаных. У гэтым выпадку пацярпелы заклікаў пакараць крыўдніка па ўсёй строгасці, бо зараз, як сказаў ён, адбітак ад войска застанецца ў яго на ўсё жыццё.
Акрамя таго, скалечаны жаўнер запатрабаваў спагнаць з крыўдніка 4 мільёны рублёў. Суд задаволіў просьбу, праўда, зменшыўшы суму да аднаго мільёна, каля 450 даляраў. Сам жа крыўднік, прызнаны псіхічна здаровым, хутка адправіцца ў калонію ўзмоцненага рэжыму, дзе правядзе тры гады свайго жыцця. |
Смецце берасцейцаў будуць перапрацоўваць | Сучасны смеццеперапрацоўчы завод, які ў хуткім часам мяркуецца пабудаваць у Берасці, будзе ўтылізаваць не толькі цвёрдыя побытавыя адыходы, але і ападкі сцёкавых вод, а таксама глей, які перапаўняе вычышчальныя збудаванні горада.
Аб гэтым падчас візіту на Берасцейшчыну заявіў міністр прыродных рэсурсаў і аховы навакольнага асяроддзя Беларусі Лявонцій Харужык. Тым самым будзе ліквідаваная пагроза экалагічнай катастрофы ў пойме Буга. Меркаваны кошт праекту — ад 60 мільёнаў даляраў да 60 мільёнаў эўра. Па словах міністра, да выкарыстання гэтых грошай трэба падысці ўзважана і абачліва. Бо сам завод будзе ўяўляць з сябе таксама вельмі складаны і патэнцыйна небяспечны ў экалагічным плане аб'ект. У яго ўзвядзенні паўдзельнічае нямецкая фірма «Ліндзе КСА». |
Рамонт да непазнавальнасці | Сёлета горад над Бугам чакае шмат прыемных змен.
Напрыклад, у год 50-гадовага юбілею найстарэйшы берасцейскі гатэль “Буг” чакае рэканструкцыя. У гатэлі не проста зробяць асвяжальны рамонт і заменяць перакрыцці, але цалкам зменяць дызайн рэстарана і нумароў.
Дарэчы, у адным з нумароў гэтага гатэлю ў пачатку 70-х гадоў мінулага стагоддзя спыняўся Ўладзімір Высоцкі. Рэканструкцыя, кажуць адмыслоўцы, патрэбна як паветра: “Буг” адкрыў дзверы для пастаяльцаў яшчэ ў 1958 годзе.
Заўважыць змены можна будзе яшчэ і на цэнтральным чыгуначным вакзале. Там сёлета пачалася рэканструкцыя, і да канца восені тут плануюцца пуцявыя працы, замена каналізацыі, а таксама будаўніцтва тунэлю. Праект прадугледжвае практычна поўную рэканструкцыю з захаваннем гістарычнай каштоўнасці самога вакзалу, будынак якога пабудавалі яшчэ ў 1886 году. Акрамя таго, Берасце плануюць засадзіць дрэвамі. На вуліцах горада ўжо высаджана больш за тысячу дрэў. Сярод парод прафесіяналы спынілі свой выбар на ясені, таполі, чаромсе, клёне і ліпе. Пасадка зялёных насаджэнняў працягваецца. |
У Кобрыне затрыманыя маладафронтаўцы | У ноч з 21 на 22 красавіка ў Кобрыне затрыманыя два маладафронтаўца за графіці на сценах.
Аляксандр Фамічоў і Ўладзімір Сучок малявалі на прыпынках графіці "Свабоду Казулину!", "Малады фронт". У 2.23 іх затрымалі побач з аўтобусным прыпынкам "Універмаг". Міліцыянты пачалі фатаграфаваць месца здарэння на мабільны тэлефон.
Па словах затрыманых, ім прапанавалі прыбраць надпісы, у адваротным выпадку, калі ў міліцыю патэлефануюць гаспадары шапіка, у іх могуць узнікнуць праблемы.
Хлопцаў, негледзячы на позні час, прыйшлі падтрымаць амаль усе актывісты Маладога Фронту. Калі яны зашлі ў РАУС, каб даведацца, калі вызваляць затрыманых, то ўбачылі, што маладафронтаўцаў дапытваюць проста ў дзяжурнай частцы. Міліцыянты паведамілі, што іх пратрымаюць яшчэ каля двух гадзін, аднак, калі зразумелі, што іх будуць чакаць, амаль адразу адпусцілі. Хлопцы прабылі ў РАЎС крыху больш за гадзіну. |
Пінскі парк адпачынку будзе рэканструяваны | У 2008 годзе Пінскі гарадскі парк культуры і адпачынку адзначыць сваё 150-годдзе. У юбілейным годзе ў найстарэйшым аб'екце культуры і адпачынку пачнецца маштабная рэканструкцыя.
Рэканструкцыя пачнецца з верхняй часткі парка, дзе размешчаныя атракцыёны і гаспадарча-адміністрацыйныя пабудовы. Затым будаўнікі пяройдуць у так званую "ціхую зону". Тут, паводле архітэктурна-планавальнага задання, з'явяцца шахматна-шашачны і чытальны павільёны. Трэцяя чарга рэканструкцыі закране мемарыяльны комплекс і ўсю ніжнюю частку парка. Запланаваны таксама рамонт усіх аўтамабільных і пешаходных сцежак, новае асвятленне, усталёўку малых формаў паркавай скульптуры. Адмысловая ўвага будзе нададзена азеляненню.
У праекце першай чаргі рэканструкцыі гарадскога парка закладзена абнаўленне фантана і ўзвядзенне летняга амфітэатра на 600 пасадкавых месцаў з маляўнічым відам на раку. Старую летнюю эстраду дэмантуюць. Агульная сума капіталаўкладанняў у маштабную юбілейную рэканструкцыю парка - амаль 4 млрд.рублёў. Пакуль праект першай чаргі праходзіць дзяржаўную экспертызу ў парку рыхтуюцца да адкрыцця летняга сезону 2008. Афіцыйнае адкрыццё юбілейнага сезону адбудзецца ў Светлую Хрыстову Нядзелю. |
|
|
|  |
 |
|
|
|
 |
|
|
На нашым сайце Вы можаце знайсцi апошнi нумар iнфармацыйна-аналiтычнага
бюлетэня "Дзедзiч" (№ 1 (40) за сакавік 2006 года), а таксама іншыя нумары бюлетэня за 2001-2006 гады.
|
|
 |
|
Якой на Вашую думку павінна быць мэта Кангрэса дэмакратычных сіл?
| Абраць моцнага і агульнапрызнанага лідэра Дэмакратычных сіл з шырокімі паўнамоцтвамі |
 |
34.0 % (17) |
| Пазбавіць пасады цяперашняга лідэра Дэмакратычных сіл А. Мілінкевіча |
|
10.0 % (5) |
| Патусавацца |
|
4.0 % (2) |
| Кангрэс увогуле не патрэбны, патрэбна рэальная праца з людзьмі на месцах |
|
46.0 % (23) |
| А што такое Кангрэс? |
|
2.0 % (1) |
| Я вапшчэ за Бацьку, хлопцы! |
|
4.0 % (2) |
Усяго 50 адказаў.
Адказы больш не прыймаюцца.
Вынікі папярэдніх апытанняў
|
 |
|
Выпадковае фота з апошняга абнаўлення:
 |
 |
|
|
5/2008 4/2008 3/2008 2/2008 1/2008 12/2007 11/2007 10/2007 9/2007 8/2007 7/2007 6/2007 5/2007 4/2007 3/2007 2/2007 1/2007 12/2006 11/2006 10/2006 9/2006 8/2006 7/2006 6/2006 5/2006 4/2006 3/2006 2/2006 1/2006 12/2005 11/2005 10/2005 9/2005 8/2005 7/2005 6/2005 5/2005 4/2005 3/2005 2/2005 1/2005 12/2004
|
 |
|
|
|
 |
|
|
Шаноўныя сябры!
Рэдакцыя "Дзедзiча" з задавальненнем прыме ад Вас бясплатныя прыватныя аб'явы
ў наступным нумар бюлетэня.
Звяртайтеся па тэлефоне :
(029) 723-89-70
ШАНОЎНЫЯ БЕРАСЦЕЙЦЫ!
– Калі Вы падзяляеце нашыя погляды на сучасную сітуацыю ў Беларусі і нашыя надзеі на будучыню,
– калі Вы жадаеце супрацоўнічаць з намі, стаць сябрамі "Сузор'я" ці проста перадаць цікавую інфармацыю,
паведамляем, што звязацца з намі можна праз распаўсюджвальнікаў нашай газеты, альбо па тэл.: (029) 723-89-70, (029)660-57-41 кругласутачна.
Мы чакаем Вас!
Прэс-служба БАМГА "Сузор'е"
Рэдакцыя бюлетэня "Дзедзіч" шукае распаўсюджвальнікаў выдання
ў навучальных установах Берасця і вобласці.
Тэл. (029) 723-89-70.
Рэдакцыя бюлетэня "Дзедзіч" запрашае да супрацоўніцтва карэспандэнтаў з Берасця і гарадоў вобласці.
Калі вы жадаеце выказаць свае думкі на нашых старонках, тэлефануйце:
(029) 723-89-70.
Внимание!
приглашаем волонтёров
для поддержки Аляксандра Мілінкевіча.
– Вас не устраивает ситуация в стране, но вы верите, что её можно изменить;
– Вы устали верить обещаниям Лукашенко и поддерживаете демократическую оппозицию;
– Вы желаете внести свой вклад в возрождение независимой и процветающей Беларуси;
– Вам больше 18 лет, и вы можете посвятить часть своего времени избирательной кампании;
– Вы хотите приобрести навыки общения с людьми, умения убеждать, взглянуть на выборы изнутри: не как простой избиратель, а как активный участник событий –
Нам нужна ваша помощь!
Мы обещаем:
– проведение для вас образовательных семинаров, стажировок как в г. Бресте, так и в других городах и странах;
– обеспечение вас всеми необходимыми навыками ведения эффективной агитации;
– предоставление возможности продолжить свою политическую карьеру при нашей поддержке;
– создание дружеской атмосферы и знакомство с интересными людьми.
Что можно делать: сбор подписей, распространение листовок, расклейка плакатов, агитация, участие в создании предвыборной программы, наблюдение за выборами.
Звоните нам в любое время по тел:
23-68-02, (029) 660-57-41, (029) 723-89-70, 41-12-00.
Фонд «Дзедзіч» шукае добраахвотніка WEB-дызайнера
(з сярэднім узроўнем валодання WEB-праграмаваннем),
які б дапамагаў нам у абнаўленні і ўдасканаленні сайта арганізацыі: http://www.dzedzich.org.
На жаль, мы не можам аплаціць гэтую працу, але каву, гарбату і добрую сяброўскую атмасферу гарантуем.
Тэл.: (029) 723-89-70, (029) 660-57-41.
|
Показкі |
Уклаўшы дзіця спаць, муж прапаноўвае жонцы заняцца каханнем. Яна просіць пачакаць трошкі, пакуль сын засне. Праз пэўны час муж паўтарае просьбу, але жонцы здаецца, што дзіця яшчэ недастаткова моцна спіць. Раззлаваны муж ідзе на кухню. Там, не ведаючы чым заняць сябе, бачыць на падаконніку бутэльку шампанскага. Бярэ яе, са стрэлам адчыняе, налівае сабе келіх шампанскага і з задавальненнем п'е. Сын, пачуўшы стрэл, уздымае галаву і кажа:
- Ну што? Давыпендрывалася! З-за тваёй упартасці бацька на кухні застрэліўся!
| |
|
